近日突然發覺自己老了不少,
雖然現在也未算老,
但總算比以前遇見的多.

回想起來,
不禁要感嘆青春的確會一去不復返.

原來我...曾經這樣瘋狂/自大/傲氣/莽撞/幼稚/天真/無聊/少女情懷過.

20s, 是人生最重要的10年.
這10年時間是用來建立個人的社會地位,
連人生往後的道路也是就這段日子的功過而訂立的.

但, 來看我.
這黃金10年, 我已經花上了1/3,
但我為將來做過什麼?

依然學不會防人, 還要去讀心嗎?
縱然可以理直氣壯, 也不代表你可以勇往直前.
世態炎涼, 你知道的有幾多?

低潮時, 真的會覺得周遭都要拋棄自己.
但其實, 你年紀還小, 這樣又怎算得上是挫折...?

要堅守信念, 說易不易...
前面的路, 要怎走呢?
come on, 我只希望將來可以過得安穩...

again, plz give me strength n confidence to handle all these,
n point me to the way i should take.

終於, 我又辭工了.

有跟我update近況既buddies自然知道內情.

既然nothing to loss,

i quit.

__________________________

不過, quit過後,
雖然迎頭就有新工作等緊我,

但, 心裡面既問題, 未解決.

新領域, 新開始,
正正意味住未知既方向同前景,
漫無目的,
無一個定位俾自己,
對先天缺乏安全感既我...好困擾.

plz give me strength n confidence to deal w/ all these.

叫人錯愕的是...
事隔不過幾天,

我轉工了.

_______________________

為了要有更好的前途,
我毫不猶疑地,
選擇了這裡.

"舒服工"=====>"勞工"

工作量高, 要求高, 壓力高,
上班支出高, 還得爬低爬高的;

就是薪金沒有高.

但...

工作能力+工作經驗=更好的前途...??

誰可以保證?

天啊...
我不後悔我的選擇,
但請讓我相信這的確是可以給我更好的將來的機會,
也給我力量去堅持...

_______________________

they asked, "How are you today?"
I am fine流到唇邊了,卻沒有力氣答上去...

Frankly, I am not fine at all.

我不好, 只希望將來可以好, 甚至更好.

如果今日的辛勞可以換來明日一句由衷的"I am fine",
我願意.

_______________________

還有一日,
又長大一歲了.

黃政欣, 妳長大了.
是時候學會去抱怨少一點,
付出多一點.

_______________________

順帶一提,
這兩個星期的duty roster都很可惡,
朝12晚9的.

感謝各位有心相約飯聚的好友.

如果不介意的話,
請盡量安排26/10後的日子來個early dinner;
不然, 不介意9點鐘後才相見的,
可以約我在尖沙咀吃個飯, 見個面 =]

即使沒有空的, 也心領了.

真正踏入社會了,
才知道往日上學的日子有多幸福...

________________________

每次面對新環境,
因為情緒問題,
我都會俾左好大壓力自己...
但好老實講,
因為工種既原故,,
尼份工作唔算太辛苦,
同事都肯教我又岩傾,
只待新人如我慢慢學習,適應.

唯一最唔慣既係...
一星期要返足6日............................................................

相對以前返學,
連學校假期都嫌少而要俾藉口自己走堂既我,
突然間覺得無晒私人時間...

________________________

每日放工都會覺得好"支力",剩係好想快d返到屋企,
坐得低一陣睇下電視食個飯又已經要"拿拿淋"去沖涼訓覺,
因為怕第二朝返工無精神....................
即使放假...都唔想出街,好想休息下...

平時最鐘意既行下街,睇下戲,
坐低食件餅,串下珠仔,
睇下雜誌,整下蛋糕,
宜家剩係覺得有心無力!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

________________________

作為一個fresh grad,
我可以做既就係希望遲d個市好返d,
可以更容易搵到一份貼近我理想,待遇又好d既工...

作為一位女性,
我同全香港其餘既未婚女士都一樣,
發夢都想搵個錫自己又有能力既老公,
結左婚(甚至未結婚)佢都願意養埋我,
仲有一心一意亳無怨尤,
到時鐘意做就做下,
嫌辛苦就返屋企抖下,
全職轉做少奶奶日日約bianker去high tea!!!!!!!!!!!!!!!!!!!!!!!!

而作為一個香港打工仔,
我會希望下一次六合彩金多寶得主係我,
到時買返層豪宅收租唔洗做,
最多有突既捐返出尼做善事囉........................

但, 一日仲發緊夢,一日都要早起身返工...

________________________

新仔,
辛苦d唔緊要,
但若果身邊有你支持就最好.

rabbit仔, 你去左邊??
我好掛住你呀~

_______________________

出生於這片福地, 這個年代,

我地尼一輩好容易, 一個不留神,
將自己無限放大.

_______________________

外面世界咁大...個天咁高...
一抬高頭就可以見到啦...
點解可以唔記得...?

________________________

感謝上帝給予人類既智慧,
令佢地創造左Facebook尼樣偉大發明,
令我可以從中窺探一D舊到連招呼都未必有勇氣去打既朋友既生活.

雖然大家宜家既生活其實都唔會再影響到對方,
但望住曾經同我分享過心事同理想,
無聊時可以同我兩個人拎住個電話講足一日都無內容既你,
有左自己既生活同路向,
感覺好似好熟,
但又可以咁各不相干,

好有趣呀, 你知道嗎?

望見曾經拎個心出尼, 去關愛過我既朋友不斷為自己既理想同幸福努力,
已經係我近期最好既安慰 =]

________________________

我係真心愛我既real friends,
只係平時唔多識得去表達...

所以請唔好怪我冷漠,
甚至會對你地既關心無尼反應.

好多謝你提醒我世界仲係暖既.

_________________________

如果你願意, 請帶我出走.